Падарожжа па Германіі-2012: чатыры падзеі, чатыры выдатныя мясціны
300 гадоў Фрыдрыху Вялікаму
Павялічыць фота
(© SPSG/Peter Adamik)
Адкрыць вялікага караля Прусіі нанава: у 2012 г. спаўняецца 300 гадоў са дня нараджэння «Старога Фрыца». Фонд Прускія палацы і сады ў Берлін-Брандэнбургу праводзіць выставу «Friederisiko», прысвечаную каралю з характарам авантурыста. Яна пройдзе з красавіка па кастрычнік 2012 г. у Новым палацы і парку Сан-Сусі ў Патсдаме, самым любімым месцы Фрыдрыха.
800 гадоў Лейпцыгскаму хору хлопчыкаў
Знакамітая Лейпцыгская троіца: хор хлопчыкаў, царкоўная школа і царква Св. Фамы. У 2012 г. тры самыя старыя культурныя і адукацыйныя установы Лейпцыга (трохгучнасць «Вера, спевы, вучоба») адзначаюць свой 800-гадовы юбілей. У юбілейны год пройдзе шмат музыкальных і культурных мерапрыемстваў – у тым ліку канцэрты хору хлопчыкаў царквы Св. Фамы ў Англіі, Паўднёвай Карэі і Японіі.
documenta 13
100 дзён сучаснага мастацтва: 9 чэрвеня 2012 г. у Касэлі адкрываецца documenta 13 - адна з самых значных і вядомых выстаў сучаснага мастацтва. Да 16 верасня на ёй будзе прадстаўлена мноства работ сучасных мастакоў сусветнага маштабу. У 2012 г. заяўлены больш за сотні аўтараў, чые творы можна будзе ўбачыць у самых розных галерэях Касэля. Будуць прадстаўлены жывапіс і скульптура, а таксама інсталяцыі, перформансы, фатаграфіі і фільмы.
775-годдзе Берліна
Берлін заўсёды варта наведаць, асабліва – у 2012 г., калі германская сталіца адзначае 775 гадоў са дня свайго заснавання. З канца жніўня ў горадзе пройдуць розныя выставы, тэатралізаваныя пастановы, экскурсіі і юбілейные мерапрыемствы. Берлін нагадвае аб сваіх сярэднявечных каранях і ў той жа час прадстаўляе сябе як касмапалітычны горад. У Берлін-Мітэ запланаваны два буйныя праекты open-air. Афіцыйныя ўрачыстасці пройдуць 28 кастрычніка ў царкве Св. Мікалая, старэйшай прыхадской царкве Берліна. А ў вечаровы час пачнецца свята: у гістарычным цэнтры горада запаляцца агні, з гарадскіх сцэн будзе гучаць сярэднявечная музыка.
© www.magazin-deutschland.de
